Anticament ero sounà S.Uzuebi, i meizoun eroun butà dacont a Varacho, ma en tal 1391 i soun està pourtà vio da n'aluvioun. Lou pais venarè pue rebastì embè lou nom de Castrum Delphini, per far navizarlou chastel vourgù en tal 1336 da Umberto II Delfin de Vienne, en tal 1690  lou capitani de La Parelle lou butarè coumo en quiapier, eiro la ia mac pus en chazal.

Chasteldelfin es la la capitalo del La Chastelado, escartoun amministratiou de aouto valado, que buto ensem decò Blins e Pount- Chanal.
A partir da lou XIII siecle la Chastelado, embè lou Queyras,  Prajalà, Oulx e lou Briansounes, es està Republico de i Escartouns, l'ero na federasioun alpino groupà al Delfinà e apres al rei de Fronso. 
 Gli Escartouns i avìon ben de autonomio e agevoulazioun, coumo lou drech de pourtar arme e bate mouneo.
Lou chastelon, ero noumà da la poupoulazion, ero chousì tra i nobil de la valado.
En tal 1713 embè lou "trattato di Utrecht" la Chastelado es pasà ai  Savoia. D'aquel moument soun tacà i ghere sus i noste mountanhe tra Franses e Piemountes.  Per sa  pousizioun, en tal '800, lou pais ven a ese "La Vilo" en esont na lueio entè se coumersiavo la prudusioun de i artigion loucal. La Lengo que se parlo a La Vilo (Chasteldelfin) es l'ousiton en te na varionto dialetalo jo ben counservà e pa ren countaminà dal Piemountes.
Lou pais encue fai 160 abitont

La cumuno à de ruà ben difrente tra de lour de reglo sort foro na vocasioun "agricolo-pastorale" : La Toureto, arambà a la rocho de la chapelo, es la souleto ruà a i Bac, es està na lueio strategico per la republico de i Escartoun en esont sus la counfino embè lou Marquisà de Saluse; Choudane es na lueio chaoudo, Bertines, Lou Sere e i Arbouin i soun butà ben a l'adrech ai pè dal bosc de l'Alevè. Pousterlo, Lou Pue e Quiot Garì, soun en tal valoun de Blins; Rabious es la deriero ruà dron d'aribar a Pount.